Breaking News: Jose Mourinho atupiwa virago Chelsea

Jose Mourinho akifanya mazoezi kwa mara ya mwisho siku ya Alhamisi kabla ya kufukuzwa

Jose Mourinho amefukuzwa kazi kama kocha wa Chelsea baada ya kunyukwa 2-1 na Leicester ikiwa ni muendelezo mbaya wa kikosi chake tangu msimu uanze.

Kocha huyo Mreno alikiongoza kikosi chake kunyakuwa taji la Ligi Kuu mwezi Mei, lakini kipigo cha Jumatatu kilikuwa cha tisa katika tangu msimu uanze, akiwa nafasi ya 16, ikiwa ni alama moja kushuka daraja.

Kikosi cha Chelsea kimefungwa mechi tisa tangu msimu uanze

Mourinho, ambaye alikuwa tayari kufanya mazungumzo kuhusiana na fedha wakati wa kuondoka kwake baada ya kipigo cha West Ham mwishoni mwa Oktoba, ameona msimu wake wa pili ukiishia ukingoni.

Mourinho aliipa ubingwa Chelsea wa Ligi Kuu mwezi Mei mwaka huu

Lakini, akiwa tu amesaini mkataba mpya wa miaka mine msimu huu, huenda kukawa na mtafaruku wa malipo utakaotolewa na Chelsea.

Ni mara ya pili Mourinho kuondoka Chelsea ikiwa katika hali tete baada ya kufanya hivyo mara ya kwanza mwaka 2007.

Mourinho alimponda Dkt. Carneiro kwa namna alivyomtibu Eden Hazard mwezi Agosti

UNGANA NAMI INSTAGRAM @PAULCHAZZY